Делегирани судиите за четирите натпревари од 14. коло на Третата македонска фудбалска лига – Југозапад, кои се закажани за утре.
Демир Хисар на домашен терен ќе се соочи со тимот на Света Троица од Охрид, а главен судија ќе биде Александар Крстевски, а ќе му помагаат Горан Танчевски и Бобан Цветаноски.
Делегат на мечот ќе биде Зоран Кокевски, а пак Борче Домазетовски е контролор.
Дерби ќе играат Кравари и Караорман, а правда ќе дели Енис Зекмановски, додека пак негови помошници ќе бидат Љупчо Спиркоски и Михајло Ванкоски.
Делегат на овој меч е Бојан Бочески, а контролор Слободан Павловски.
Лидерот Влазними на домашен терен ќе го пречека тимот на Кораб од Дебар, а главен арбитар е Ѓорѓи Лаброски, помошници се Марио Мојсоски и Кренар Бекри.
Делегат на мечот е Ѓино Грданоски, а за контролор е определен Муамер Рика.
Петар Цфетко ќе ја дели правдата на мечот меѓу Могила и Напредок од Ношпал, а ќе му асистираат Ангела Домазетовска и Алмир Бајрами.
За делегат е одреден Љупчо Ралевски, а за контролор Мендо Дивитаров.
Сите натпревари стартуваат во 16 часот, а екипата на Славеј од Мешеишта оваа коло е слободна.
