Македонскиот ракометен гигант Вардар сериозно работи на засилувањата за следната сезона, а најновото име кое се поврзува со „црвено-црните“ е францускиот среден бек Матео Фадуиле. Станува збор за 23-годишен ракометар кој настапува за Трембли и важи за еден од најперспективните играчи на својата позиција.
Фадуиле игра во одлична форма оваа сезона, каде што се наметна како лидер на својот тим. На досегашните настапи има постигнато над 150 погодоци, што го прави еден од најефикасните играчи во составот на Трембли. Неговата креативност, преглед на играта и голгетерски квалитети го прават идеален профил за засилување на бековската линија на Вардар.
Французинот својата кариера ја градеше во домашното првенство, настапувајќи за екипи како Нант, каде што имаше можност да учи и од македонската легенда Кирил Лазаров. Покрај тоа, беше дел и од Саран (како позајмен играч) и Кретеј, пред да се приклучи на Трембли во 2022 година. Неговите настапи не останаа незабележани, па доби повик и во поширокиот состав на француската репрезентација за подготовките пред Европското првенство.
Иако има договор со Трембли до 2027 година, Вардар е подготвен да плати обештетување за да го донесе во своите редови. Според информациите, голема улога во можниот трансфер игра и желбата на самиот ракометар да се пресели во Скопје и да го облече дресот на најтрофејниот македонски клуб.
𝗠𝗔𝗧𝗧𝗘́𝗢 𝗙𝗔𝗗𝗛𝗨𝗜𝗟𝗘 𝗧𝗢 𝗩𝗔𝗥𝗗𝗔𝗥? 🇫🇷➡️🇲🇰 🚨
The French playmaker is emerging as a serious option for Vardar for 2026/27.
He is not just a young profile either. Fadhuile finished as Tremblay’s top scorer in 2024/25 with 162 goals, and he also came through the… pic.twitter.com/JOOXQ0ZVCg
— Hen Livgot (@Hen_Livgot) April 17, 2026
Доколку трансферот се реализира, Вардар би добил долгорочно решение на позицијата среден бек и играч околу кого може да ја гради иднината.
Во меѓувреме, „црвено-црните“ се фокусирани и на актуелните обврски, откако го совладаа Алкалоид и обезбедија пласман во финалето на Купот на Македонија, каде за трофејот ќе се соочат со екипата на Охрид.
