За утре се закажани натпреварите од 10. коло на Втората женска фудбалска лига, делегирани се и судиите кои ќе делат правда на истите.
Во Велес се игра натпреварот меѓу Борец и Порече од Македонска Брод, каде Николче Димовски ќе биде главен судија, а помошници ќе бидат Методија Костов и Мирко Најдов. Контролор на мечот кој треба да стартува во 13 часот е Бранислав Јанушев.
Во Охрид ќе се игра мечот меѓу апсолутниот фаворит Билјанини Извори и Плачковица, а правдата ќе ја дели Давид Милошевски, а ќе му помагаат Никола Ѓорѓијоски и Драган Ѓорески, додека пак Пеце Карапалевски е контролор.
Натпреварот се игра на теренот со вештачка трева при СРЦ „Билјанини Извори“ со почеток од 16 часот.
Непоразениот лидер Конзули во Кравари ќе го пречека составот на Слободен во улогата на апсолутен фаворит. Ирена Велевачковска ќе биде главен судија, а асистенти ќе бидат Ангела Домазетовска и Јовче Кокевски, додека пак Илчо Јордановски е контролор.
Стартот е закажан за во 12 часот.
