Со многу емоции, борба и спортски дух заврши Меморијалниот турнир во мал фудбал на трева „Ване Трајанов“ 2026, кој уште во своето прво издание покажа дека има потенцијал да прерасне во традиционален спортски настан.
Првото место го освои екипата на Валаски Градба и Термоинг, додека второпласирана беше ФК Прналија. Третото место им припадна на младата екипа Стефка Пром, која остави одличен впечаток.
Организаторите доделија и индивидуални признанија за најистакнатите поединци. За најдобар стрелец беше прогласен Никола Ѓоргиев, признанието за најдобар голман му припадна на Кевин, додека за најдобар играч беше избран Роберто Ристов.
Организаторот Мане Рујков не го криеше задоволството од текот и организацијата на турнирот, истакнувајќи за Спортска Мрежа дека овој турнир ќе прерасне во традиција.
„Заврши Меморијалниот турнир во мал фудбал „Ване Трајанов 2026“ во најдобар ред. Упатуваме голема благодарност до сите поддржувачи и спонзори кои сите изразија големи пофалби за самата организација продолжуваме уште подобро и следната година, а целта ќе биде да биде уште шоголем турнирот“, вели Мане Рујков за Спортска Мрежа.
Со Рујков во организацијата беа и Ангел, Мите, Марјан и Александар, а со ваков почеток, јасно е дека турнирот „Ване Трајанов“ има светла иднина и веќе следната година се очекува уште поголемо издание со повеќе екипи.
