Салата „Парк“ во Струмица викендов ќе биде домаќин на завршниот турнир од Купот на Македонија во машка и женска конкуренција, каде најдобрите екипи ќе се борат за трофеите.
Полуфиналните натпревари кај мажите се закажани за 17 април, додека жените ќе ги одиграат своите полуфиналиња на 18 април. Натпреварите ќе се играат во термините од 17:00 и 20:00 часот, додека финалните средби се предвидени за 19 април.
Во машката конкуренција, во првото полуфинале ќе се сретнат ГРК Охрид и Еурофарм Пелистер, а правдата ќе ја делат браќата Илиевски. Второто полуфинале носи дуел меѓу Алкалоид и Вардар, каде за судењето ќе бидат задолжени Металари и Николовски. Финалето кај мажите ќе го судат искусните Митревски и Тодоровски.
Кај жените, во полуфиналето ќе играат Пелистер и Ѓорче Петров, натпревар што ќе го судат Стефаноски и Глигороска. Во вториот дуел силите ќе ги одмерат Спартак и Чаир, а таму ќе судат Шуковски и Илиевски. Финалниот натпревар ќе им биде доверен на Јашар и Прентоска.
Со ваков распоред и квалитетни дуели, Струмица е подготвена за вистински ракометен спектакл и неизвесна борба за трофеите во Купот на Македонија.
