Македонија ЃП стави крај на негативната низа од пет последователни порази, освојувајќи вреден бод на гостувањето кај Брера Струмица (1-1) во рамки на 27. коло од Првата македонска фудбалска лига.
Домашниот состав беше нешто поактивен во првото полувреме и успеа да ја материјализира иницијативата во 22. минута, кога Филип Михаилов сигурно реализираше пенал за водство од 1-0. Брера имаше уште неколку обиди да ја зголеми предноста, но без конкретна завршница.
Во вториот дел, „лавовите“ излегоа со поофанзивен пристап и бргу ја презедоа контролата на теренот. Напорите вродија со плод во 57. минута, кога Огужан Ајдоган со атрактивен удар донесе израмнување и врати неизвесност во натпреварот.
До крајот, двете екипи се обидуваа да стигнат до победа, но недостасуваше завршниот удар. Иако ремито не им одговараше целосно ниту на едните ниту на другите, гостите од Скопје можат да бидат задоволни што конечно ја прекинаа серијата на порази и останаа во игра за опстанок.
Македонија ЃП сега има 24 бодови и останува во опасната зона, додека Брера со 33 бода ја задржува позицијата во средината на табелата.
Во следното коло, Македонија ЃП ја очекува директен дуел за опстанок против Пелистер во Битола, додека Брера ќе има тешко гостување кај Силекс.
