Воведниот меч за отварање на 18. коло во Втората футсал лига донесе 15 погодоци за славје на Каршиака од 8:7 над Кратово, со што трите бодови остануваат во Студеничани.
Меч кој донесе многу погодоци, неизвесност, често менување на водството и игра гол за гол особено во првиот дел.
За домашниот тим Бујамин Асани постигна два погодоци, а по еден гол Каршиака постигнаа Хамза Садики, Фејзбула Шабани, Џезаир Рамани и Фуркан Ќани во првиот дел, а во второто полувреме стрелаа Бурим Касами и Сеад Јакупи.
За гостинскиот тим Валентино Јовановски имаше хет-трик, но не беше доволно за неговиот тим да избегне пораз, а пак Драган Стефанов беше двоен стрелец за Кратово, додека Ѓорѓи Ивановски и Давид Стојановски имаа по еден гол.
Екипата на Каршиака продолжува да ја води трката за влез во Првата футсал лига за следната сезона.
