Во пресрет на најголемото македонско дерби помеѓу Пелистер и Вардар, кое се игра вечерва со почеток од 20:00 часот, тренерот на Пелистер Марјан Секуловски, ги изнесе своите очекувања за натпреварот.
„За мене, но и за сите љубители на фудбалот, ова е најголемото дерби во Македонија – Пелистер против Вардар, натпревар кој секогаш буди посебни емоции.
Победата во Тетово донесе многу позитивна енергија во тимот. Освен трите бода, добивме и нешто уште поважно – самодоверба. Играчите повторно веруваат во своите можности и свесни се за квалитетот што го поседуваат.
Ги повикувам нашите навивачи да дојдат во што поголем број и да ни дадат силна поддршка. Таа ќе биде особено важна во моменти кога ќе се соочиме со притисок или тежок период во натпреварот. Заедно можеме да ја надминеме секоја пречка и на крајот да се радуваме на позитивен резултат.“
