Охрид продолжува да ја гради својата европска приказна со пласманот во полуфиналето на Купот на ЕХФ, по победата над Олимпијакос во два неизвесни и борбени натпревари.
Играчот на Олимпијакос, Шиме Ивиќ, ексклузивно за Спортска Мрежа, ги сподели своите импресии за двомечот со Охрид во Купот на ЕХФ, објаснувајќи што според него било пресудно за победата на македонскиот тим. Ивиќ истакна дека и покрај шансите на неговиот тим, Охрид имал надмоќ во клучните моменти и заслужено се пласирал во полуфиналето.
Десниот бек на Олимпијакос- Ивиќ објасни дека клучот за победата на Охрид бил одличниот настап на Иванковиќ, кој постигнал важни голови и обезбедил асистенции во клучните моменти кога Охрид имал тешкотии во нападот. Тој призна дека неговиот тим можеби бил малку нервозен и не ги реализирал сите зицери, но дека Охрид бил многу подобар во првиот меч и заслужено го добил двомечот.
„Што беше пресудно за Охрид да победи во овој двомеч? Прво што ми доаѓа на памет е Иванковиќ, кој во клучни моменти кога Охрид немаше баш идеја во нападот, тој погоди неколку клучни голови и им асистираше на пивотите. Ние можеби бевме малку нервозни, имавме прилики, зицери кои требаше да ги погодиме..но што е, тука е. Охрид беше многу подобар во првиот меч, и мораме да им честитаме, тоа е тоа.“- изјави Ивиќ за Спортска Мрежа.
Ивиќ призна дека Охрид го заслужил пласманот во полуфиналето, нагласувајќи ја важноста на индивидуалните клучни потези, како и колективната стабилност на македонскиот тим.
