Ракомет

Лукиќ: Младост знае да се носи со притисокот, очекувам борба до последна секунда во Куманово

Сподели
Сподели



Натпреварот со Еурофарм Пелистер 2 е минато, Младост се фокусира на следниот предизвик во Суперлигата против Куманово во гости, меч од 7. коло.

Пред натпреварот разговаравме со Далибор Лукиќ, кој е помошник на стратегот Горан Андоновски, со кого зборувавме за мечот од претходното коло со битолскиот тим, но и за тоа што следува во сабота.

Лукиќ истакна дека жалат што не ја израдувале верната публика, дополнувајќи дека максимално се подготвуваат на што подобра тактичка припрема.

„Позади нас е натпреварот со Еурофарм Пелистер 2, на кој повторно пропуштивме шанса да ја запишеме првата победа оваа сезона, жалиме што не ја израдувавме нашата верна публика која безрезервно ни дава поддршка на секој натпревар оваа сезона. Оваа недела максимално сме посветени на што подобра тактичка припрема за тешкото гостување во Куманово и опоравување и оспособување на повредените Андоновски и Ѓуриќ. Иако времето до натпреварот е кратко се надевам дека ќе се опорават и ќе настапат на истиот“, изјави Далибор Лукиќ.

Дуелот со Куманово ќе биде можеби најтешкиот дуел во досегашниот дел од сезоната, вели Лукиќ, но истакна дека Младост знае да се носи со притисокот и знае да одигра на гостински терен, каде има два многу битни бодови од гостувањата со Бутел и Мулти Есенс.

„Сметам дека не очекува можеби најтешкиот дуел во досегашниот дел од сезоната. Екипата на Куманово има освоено само еден бод и по секоја цена ќе атакува на победа на овој дуел. Но, Младост оваа сезона докажа дека одлично се носи со тој притисок, знае да одигра на гостински терен, имаме искусни играчи во нашиот ростер и донесе два многу битни бодови од гостувањата кај Бутел и Мулти Есенс. Очекувам борба до последна секунда и се надевам дека конечно ќе ја израдуваме нашата верна публика со првата победа во оваа сезона“, речи Лукиќ.

Натпреварот меѓу Куманово и Младост се игра во сабота во спортската сала „Перо Наков“ во 16:30 часот.



Сподели
Напишано од
Александар Ванев -

Основач, главен и одговорен уредник на спортскиот веб портал Спортска Мрежа, специјализиран за македонски спорт. Александар Ванев со спортско новинарство започнува на 1. август 2010 година, неговиот најголем проект е Спортска Мрежа, тој е спортски коментатор и во неговата кариера има коментирано натпревари од Втората и Третата фудбалска лига на Македонија, од Првата футсал лига на Македонија, Куп на Македонија, Прва и Втора женска фудбалска лига, како и натпревари од македонскиот ракомет. Ванев е член на Здружението на новинари на Македонија (ЗНМ). Ванев е спортски новинар посветен на македонскиот спорт, првиот и единствен кој темелно ја работи Третата и Четвртата (општинската лига) во Македонија.

Не пропуштајте

Турнири

Џокер од Фурка го потврди учеството на Ohrid Winter Cup со талентираната генерација 2012

Фудбалскиот клуб Џокер од Фурка, кај Дојран, е потврден учесник на Ohrid Winter Cup 2026. Клубот во Охрид доаѓа со силна генерација фудбалери...

Останато

Наковски Волеј со кам-бек го задржа статусот на непоразен тим во Првата лига жени

Екипата на Наковски Волеј останува единствената непоразена по четири кола во новата сезона од Првата лига жени, откако во дербито од четвртото коло...

Поврзани написи
Ракомет

Време е за големо дерби: Вардар Неготино со најдобар напад и најдобра одбрана против Радовиш

Дерби пресметка на два поранешни суперлигаши – Вардар Неготино против Радовиш во...

РакометФудбал

(ФОТО) Ајдуци реагираат: Вчера Астраион, денес Тиверија, струмичка спортска мизерија

Навивачката група „Ајдуци“ од Струмица, на натпреварот од 6. коло на кошаркарската...

Ракомет

Големото ракометно дерби меѓу Вардар и Алкалоид ќе се игра во друга сала!

Големото скопско ракометно дерби меѓу Вардар и Алкалоид, во рамките на 10....

Ракомет

Дербито меѓу Вардар и Алкалоид во малата сала на „Јане Сандански“

Вардар 1961 и Алкалоид ќе го одиграат дербито од 10. коло во...

✕
error: Содржина е заштитена! Се забранува копирање на истата!