Делегирани судите кои ќе ја делат правдата на утрешните мечеви од 23. коло на Втората македонска фудбалска лига.
Шкендија Арачиново ќе игра против Тетекс, но наместо во Синѓелиќ ќе игра на стадионот „Борис Трајковски“ во Маџари. Димитар Пилешков ќе биде главен судија, а ќе му помагаат Ристо Ѓорѓиев и Богданчо Ѓеоргиев. Четврт судија на оваа средба ќе биде Дарко Стојанов.
Делегат на натпреварот ќе биде Александар Митев, а пак контролор ќе биде Горан Манасиев.
Беласица на домашен терен ќе се соочи со Осогово, каде Ндерим Тефику ќе дели правда со помош на Александар Гигов и Станко Митровиќ, а четврт судија ќе биде Никола Петковски.
Ивица Тасевски ќе биде делегат на средбата во Струмица, а контролор ќе биде Џенан Хајдари.
Блаже Петковски ќе биде главен судија во Виница каде ќе играат Слога и Победа, а ќе асистираат Славе Станиславовски и Кирил Јованов, а четврт судија ќе биде Јордан Јовановски.
Делегат ќе биде Арменд Дестани, а контролор ќе биде Винко Смокварски.
Во Радовиш се игра дерби за директен опстанок меѓу Детонит Плачковица и Кожуф, а Кирил Смоквоски е главен судија. Негови асистенти се Дино Конески и Ване Дупкаров, а пак Ангелчо Ристов е четврт судија.
Делегат е Хајро Бабачиќ, а пак Сашо Иванов е контролор на овој меч.
Големо Коњари на домашен терен ќе се соочи со Вардар Неготино, а Нинослав Нанков ќе биде главен судија. Покрај аут линиите ќе бидат Бесар Абдули и Александар Николоски, а четврт судија е Ненад Тодоровски.
Павле Игнатов ќе биде делегат, а Зоран Стефанов ќе биде контролор.
Дербито на колото кое се игра во Автокоманда меѓу Скопје и Брегалница ќе го суди Стојанче Трпчевски, негови помошници ќе бидат Драган Трпчевски и Давор Дишлиевски, а четврт судија е Ангел Гелов.
Тони Ефтимов е делегат на овој меч, а контролор ќе биде Илир Сеља.
Охрид на домашен терен ќе го пречека Новаци, а Марјан Стојановски ќе биде главен судија со Куштрим Лика и Осман Зеќири како помошници, а Бенарт Зеќири ќе биде четврти судија.
Делегат на овој натпревар ќе биде Дејан Тасески, а пак контролор Зоран Костоски.
Во Ресен силите ќе ги одмерат Преспа и Каменица Саса каде Димитар Левески ќе биде главен судија, а ќе му асистираат Јован Анѓелкоски и Стефан Петрушевски, а четврт судија ќе биде Дарко Котевски.
Делегат ќе биде Бранко Богатинов, а контролор Илчо Јорданоски.
Сите натпревари ќе започнат во 15:30 часот, освен мечот меѓу Охрид и Новаци кој ќе започне во 13:30 часот, за што претходно најави Спортска Мрежа. Натпреварот меѓу Големо Коњари и Вардар Неготино ќе се одигра в недела.
