Штип УГД кој направи „хет-трик“ во Купот на Македонија сега ја започнува новата емисија за освојување на шампионската титула и со тоа да испише нова клупска историја.
Вечерва штипјани во „Јордан Мијалков“ со 3-1 во сетови го добија Работнички и преку убедлива игра поведуваат со 1-0 во полуфиналната серија.
Првиот сет го доби скопскиот тим со 22:25, но тоа го налути освојувачот на Купот во последните три сезони, па затоа го „прегази“ на брзина во следните три сета.
Тимот на Кристиан Ристески играше како по ноти па го доби вториот сет со 25:10 за 1-1 во сетови, а додека се созема Работнички, Штип УГД во третиот сет беше перфектен со 25:14 за 2-1 во сетови, а во четвртиот сет штипјани беа перфектни со 25:12 за конечни 3-1 во сетови.
Веќе викендот се игра вториот меч полуфиналната серија, но сега на теренот на Работнички во Скопје.
