Во 16 коло на Втората футсал лига беа постигнати 60 погодоци на пет меча што носи просек од дури 12 погодоци по меч.
Најголемата победа ја имаше Каршиака која со 20:5 славеше над Карадаку на домашен терен. Победа за очекувања, но просекот на погодоци е голем.
Сеад Јакупи постигна пет погодоци, четири имаше Џезаир Рамадани со Фуркан Ќани, три гола беа дело на Бујамин Асани, двапати погоди Енис Мемеди, а по еднаш Мираџ Шази и Садам Куртеши.
За гостинскиот тим кој е на дното од табелата хет-трик постигна Шуајб Шукрија, а двапати погоди Саљи Салии.
Во меч со осум гола тимот на СЕЕ Университи ја оправда фаворитската улога славејќи над Овче Поле во Свети Николе со 2:6.
За домашниот состав стрелци беа Давид Бојковски и Давид Кипријановски, за гостинот Исмет Цека беше двоен стрелец, а по еднаш погодија Хисен Мемеди, Самир Рамадани, Гезим Азизи и Зеќирија Османи.
Лидерот Железарец со 1:4 го доби мечот со ССК во Кисела Вода. За домашниот состав погоди Илија Алексовски, за гостинот Дејан Кајсторовски беше двоен стрелец, а по еднаш погодија Петре Даиловски и Дарко Цветковски.
Конзули славеше домашен триумф откако успеа да ја добие голеадата со Партизан Југ од Брвеница со 8:6. Марјан Јовановски за домаќинот постигна хет-трик заедно со Ерен Амит, а по еден гол имаа Игор Скепаровски и Дејан Груевски.
За гостинот од Брвеница три гола беа дело на Ивица Ангелески, двапати стрелаше искусниот Даниел Радески, а еднаш погоди Тео Симњановски.
Кратово на домашен терен забележа висок пораз од тимот на Фудбал Старс, откако гостинот од Кочани со 2:6 триумфираше убедливо.
Ѓорѓи Јовановски и Горан Арсовски беа стрелци за домашниот тим, а за гостинот по два гола постигнаа Давид Тренчев и Христијан Крстов, а по еден гол Дејвид Иванов и Славче Живков.
На врвот е Железарец со 37 бодови, втор е СЕЕ Университи со 36 бодови, трет е тимот на Каршиака со 31 бод, а пак Црна Река е четврта со 30 бодови, но има натпревар помалку во однос на водечката тројка.
