Екипата на Шкупи која зад себе имаше лоша есенска полусезона, во пролетниот дел од Првата футсал лига не само што го обезбеди опстанокот, туку и се бори за висок пласман на прволигашката табела.
Во рамки на 15. коло тимот на Шкупи на домашен терен со 8:3 го декласираше Мал Ајакс, пораз со кој штипјани пополека се „пакуваат“ за преселба на Втора лига, а тоа за Мал Ајакс значи експресно испаѓање во второлигашкото друштво, откако не успеаја да го изборат опстанокот како повратници во Прва лига.
Хет-трик за домашниот тим постигна Абдил Кадир Јахја, двојни стрелци беа Ерблин Даци и Љавдрим Фазлију, а пак еден гол постигна Еркан Сефери.
За тимот од Штип стрелец на сите три гола беше Иса Дурмишов.
