Сосема очекувана висока и убедлива победа славеше Истатов на гостувањето кај Кочани од 0:9, а во рамки на 20. коло на Првата женска фудбалска лига.
Радица Чоневa постигна дури пет гола, практично сама го победи Кочани, а по еден гол постигнаа Андреа Коловска, Ана Нешковска, Уна Јосевска и Севим Илјаз.
Тиверија Брера со “петарда” славеше над Речица (0:5), играч на мечот беше Ане Бошеска со хет-трик, а по еден гол постигнаа Билјана Панеска и Розита Пецева.
Лидерот Скопје со 0:2 славеше на „Железарница“ над Вардар со погодоците на Мила Панева и Рабија Дервиши.
Екипата на Љуботен исто така имаше победа од 0:9 во Битола каде славеше над Топ Гол. Хет-трик постигна Улза Максути, еднаш погоди Меланија Грозданова, Хава Мустафа и Евелин Амабиле Шварц, како и Наталие Анамариа Стркалј, а пак Елена Симјанова беше двоен стрелец.
Оливера Цоклеска со гол во 84. минута обезбеди победа од минимални 0:1 над Каменица Саса во дербито на колото кое се одигра во Македонска Каменица.
