Вардар го очекува првиот домашен европски предизвик во новата сезона од Лигата на шампионите, а за дуелот со Нант веќе се познати и официјалните лица.
„Црвено-црните“ во среда од 18:45 часот во СЦ „Јане Сандански“ ќе се соочат со францускиот претставник Нант, откако во премиерното коло претрпеа пораз на гостувањето кај Мелсунген. Французите, пак, стартуваа со победа над Висла Плоцк и во Скопје ќе пристигнат со два бода.
Европската ракометна федерација за главни арбитри го одреди унгарскиот пар Петер Хорват и Балаж Мартон, додека улогата делегат ќе ја има Словенецот Јанко Пожежник.
За Вардар ова ќе биде можност пред домашната публика да стигне до првите бодови во групната фаза и да го поправи впечатокот по стартниот пораз во Германија.
