Македонската таеквондистка Душица Бресалиева освои сребрен медал на Multi European Games G1 2026, во јуниорска конкуренција до 55 килограми.
Бресалиева имаше одличен настап и до големото финале стигна со четири убедливи победи. Во првиот круг беше слободна, а потоа во осминафиналето со 2:0 ја совлада Нелисах Енкок од Турција.
Во четвртфиналето македонската претставничка со 2:0 беше подобра од Луција Осуна Хереро од Шпанија, додека во полуфиналето со истиот резултат ја совлада Марија Миладин од Хрватска.
Во финалната борба Бресалиева се сретна со Турчинката Церен Кочуноглу, од која претрпе пораз, со што го освои сребрениот медал.
Овој резултат е уште еден голем успех за младата македонска таеквондистка и потврда за нејзината одлична форма и квалитет.
