Македонскиот фудбалски стратег Ѓорѓи Мојсов со реми дебитираше на клупата на српскиот суперлигаш Земун, откако во рамките на 9. коло одигра 1:1 против Радник на домашен терен.
По серијата од седум порази, Мојсов успеа да извлече позитивен резултат и да обезбеди втор бод за неговиот нов тим кој ќе го предводи во мисијата наречена опстанок во српската елита.
Земун до водството дојде во 29. минута преку автоголот на Лазиќ, а во вториот дел Радник обезбеди реми со голот на Новаковиќ во 67. минута од средбата.
Земун останува на дното со два бодови и натаму ќе чека на првата сезонска радост, но радува фактот што серијата од седум порази во низа е прекината, а тоа му дава самодоверба на тимот на Мојсов против Нови Пазар во следното коло да бара прва сезонска победа.
Инаку, во тренерската кариера Мојсов успеа со Тиквеш да го освои Купот на Македонија и да обезбеди излез во Европа.
