Ржаничино забележа убедлива победа од 1:4 на гостување кај Лопате во меч од 17. коло на Трета лига – Север. За домаќинот единствен стрелец беше Биљали Хасан, а за гостинот стрелаа Халил Калач како двоен стрелец и по еднаш Петре Тасевски и Симеон Здравковски.
Студеничани со 2:1 славеше домашна победа над Пчиња со головите на Хамит Абази и Хамза Кадриу, а за гостинот погоди Далибор Тодоровски во 84. минута.
Конечно радост преку пресврт за некогашниот второлигаш Кадино кој со 3:2 го доби составот на Беса од Слупчане. За домаќинот погодија Стефан Благојевски, Никола Спасевски и Никола Миновски.
За гостинската екипа стрелци беа Ридван Исмаиљи и Шуајб Јашари.
Аеродром на домашен терен се соочи со Беса од Сарај, каде гостинот со 1:2 беше подобар, а благодарение на погодоците на Куртиш и Мустафа, а за домаќинот погоди Бобевски.
Башкими Љуботен го пречека фаворитот БВК Коњаре, но загуби со 1:3, откако гостинот славеше со головите на Чалафи и двојниот стрелец Бакиевски, а за домашните стрелаше Љамалари.
Лидерот Еуромилк ГЛ забележа победа над Отља на гостински терен со резултат од 0:2 со двата гола на искусниот Хусеин Демири.
Фортуна дома играше со Куманово каде исходот беше 1:1. За домашните стрелец беше Исмаили, а гостите Мемеди.
