Денес се одиграа натпреварите од 11. коло на Трета лига – Југозапад или втора пролетна рунда.
На теренот со вештачка трева во Охрид екипата на Света Троица ги одмери силите со Могила, каде исходот беше победа за гостинот од 1:3.
Никола Угриноски погоди за домаќинот, а за гостинот Мики Талевски, Хакан Алимовски и Андреј Ристевски.
Во Дебар се соочија Кораб и Славеј од Мешеишта, а таму домаќинот беше подобар со 4:2. За домашниот тим стрелци беа Елезоски, Мерсовски и Леши, а за гостинот Ќитановски и Крстески, а Аќимовиќ си постигна автогол.
Демир Хисар на домашен терен со Кравари одигра 0:0.
Вчера, екипата на Караорман со 3:0 на домашен терен славеше висока победа над Напредок од Ношпал. Стружани до овој триумф стигнаа преку голот на Цветан Глигороски кој погоди во 10. минута за отварање на резултатот, а во 23. минута Ненад Балоски беше сигурен за 2:0.
Во вториот дел Караорман до конечниот резултат стигна преку гол на Лука Богданоски за конечни 3:0.
Во оваа коло слободна беше екипата на Влазними.
