Охрид не можи против традицијата – 17 години никако да ја победи Брегалница, вечерва евроголот на Лука Ѓеоргиев ги расплака „рибарите“ кои се враќаат во дома поразени со минимални 1:0, но го загубија и лидерското место. Поранешниот голман на Брегалница кој се врати во тимот на Охрид беше немоќен да реагира при еден таков силен и максимално прецизен удар
Само еден гол го реши дербито под рефлектори во Штип, а 22-та рунда донесе и нов лидер сега Скопје изби на челната позиција со 50 бодови на своето конто, а пак Охрид, Брегалница и Шкендија Арачиново го делат третото место со по 49 бодови.
„Мртвата трка“ за првото место се заострува и продолжува меѓу овие четири екипи.
Извештајот на Спортска Мрежа за натпреварите од 22. коло е достапен овде.
Главниот судија Бењамин Ќерими подели три жолти картони кај Брегалница и четири кај Охрид, но жолти картони имаше и кај официјалните лица.
Александар Митрев кој е тренер на голманите на Брегалница во 39. минута доби два жолти картони со што мораше да ја напушти клупата на „сините“, а пак тренерот на Охрид, Ромео Кочоски заработи жолт картон.
Атмосферата беше одлична, иако денес одбојкарите на Штип УГД играа финале во Купот на Македонија во Скопје, сепак трибината на Градскиот стадион во Штип беше исполнета до последното седиште.
