Без голови заврши дербито во Сингелиќ меѓу Шкендија Арачиново и Беласица (0:0) во рамки на 22. коло на Втора лига.
Ваквиот резултат го искористи Скопје кој со 0:2 го доби Вардар Неготино и изби на врвот барем до 18 часот кога ќе се комплетира колото со дербито во Штип.
Двата гола беа дела на Виктор Ангелов кој е најдобар стрелец во ВМФЛ.
Хет-трик за Азис Јамини за победа на Тетекс од 3:0 со Каменица Саса.
Со ист резултат славеше и Осогово над Слога Виница, двапати погоди Филип Димоски, кој игра во фантастична форма и Дамјан Стојковски.
И Кожуф со 3:0 славеше над Големо Коњари, а стрелци беа Лука Трајкоски, Александар Богданоски и Давор Богевски.
Новаци со головите на Петар Љамчевски и Стефан Јовановски славеше со 2:0 над Преспа.
Детонит Плачковица се врати на победничките патеки откако со 0:6 славеше над Победа во Прилеп.
Двапати стрелаше Стефан Бабунски, а по еднаш Тино Спасиќ, Дарко Алексовски – Пеле, Сашо Дуков и Урон Алили.
Од 18 часот се игра дербито меѓу Брегалница и Охрид за комплетирање на колото.
