Од денес нов претседател на фудбалскиот клуб Брегалница е Ангел Бојаџиев, кој веќе ја презеде функцијата и на самиот старт веднаш се започнати неколку активности.
Бојаџиев ја презема Брегалница во моменти кога клубот води борба за влез во Првата лига, а тој и во минатото ја извршуваше оваа функција, што за него ова ќе биде позната средина.
Инаку, веднаш се преземаат инфраструктурни активности за подобрување на теренот и стадионот комплетно пред дербито со Охрид, кое се игра во сабота под рефлектори со почеток од 18 часот, за што Спортска Мрежа ексклузивно прва објави.
Од клубот информираат дека влезот за дербито со Охрид ќе биде бесплатен, што значи дека штипјани и верните навивачи ќе го наполнат стадионот како силна поддршка за „сините“ на Влатко Костов за дербито со „рибарите“.
Брегалница е четврта на табелата со 46 бодови и има три помалку од Охрид кој е лидер со 49 бодови. Само првото место директно води кон елитата, вториот и третиот играат бараж за влез во Прва лига за сезона 2026/2027.
