Македонската фудбалска репрезентација ја очекува тежок предизвик во полуфиналниот бараж против Данска, кој в четврток ќе се одигра во Копенхаген, во амбиент каков што ретко се гледа – пред комплетно исполнет стадион.
Од данската федерација потврдија дека сите билети за „Паркен“ се веќе продадени, што значи дека околу 37.000 навивачи ќе создадат силен домашен притисок врз избраниците на селекторот Гоце Седлсоки.
И покрај тоа, Македонија ќе има и своја поддршка на трибините, бидејќи за нашите навивачи беа резервирани околу 1.000 места, кои исто така се распродадени.
Влогот е огромен – победникот од овој дуел ќе се пласира во финалето од баражот, каде ќе се соочи со подобриот од пресметката меѓу Ирска и Чешка, во битка за место на Светското првенство.
