Натпреварот меѓу Хоризонт Турново и Рудар од Пробиштип нема да се одигра, иако беше закажан за 1 март, дознава ексклузивно Спортска Мрежа.
Станува збор за средба од последното есенско коло, која претходно беше одложена и требаше да се одигра пред стартот на пролетниот дел од сезоната. Сепак, гостинскиот тим најавил дека нема да допатува и нема да настапи на натпреварот.
Со тоа, Турново ќе добие службени три бода, додека тимот од Пробиштип се соочува со можни дополнителни санкции и казни поради неодигрување на натпреварот. Останува да се види како Рудар ќе се организира за продолжението од сезоната во Трета македонска фудбалска лига – Исток.
Потсетување дека претходно од натпреварувањето се повлече и Светлост од Зрновци, па лигата наместо со 11, ќе продолжи со десет екипи во пролетниот дел.
Пролетната полусезона во Трета лига – Исток започнува на 8 март со мечевите од 12 коло.
