Штипската Брегалница го промовираше Бојан Рајков како прво зимско засилување. Дефанзивецот се враќа во „плаво-белиот“ табор и доаѓа од редовите на прволигашот Силекс.
Рајков е фудбалер кој ги покрива сите позиции во одбраната, а во досегашната кариера настапуваше уште за Кит Го Пехчево и Вардар Форино. Во Првата македонска лига има вкупно 86 настапи, сите во дресот на Силекс, со учинок од три гола и осум асистенции.
Во есенскиот дел од тековната сезона одигра десет натпревари за Силекс и забележа три асистенции, додека во Купот немаше настап. Во квалификациите за Конференциската лига на УЕФА настапи на двата натпревари, со вкупно 46 минути на теренот.
Рајков е продукт на Брегалница, а од клубот му посакаа многу среќа и успех во синиот дрес.
