Од редовите на второлигашот Шкендија од Арачиново замина Бујар Иљази, 25-годишниот фудбалер кој може да игра како лево и десно крило кариерата ќе ја продолжи во нова средина.
Тој во Шкендија Арачиново настапуваше од февруари 2024 година и беше еден од стандардни играчи и дел од генерацијата која го врати тимот од Арачиново во Втората македонска фудбалска лига.
Се работи за играчи кои во минатото настапуваше и за екипата на Куманово, Локомотива Скопје, Гостивар, Велазерими, Генч Калемлер Спорт како и за екипата на Шкупи од каде и ја започна својата кариера.
Иљази сега е слободен агент и кариерата ќе ја продолжи во нова средина, а фактот што тој е слободен веќе го става на радарот кај повеќе екипи кои ќе сакаат да го ангажираат во нивните редови, па пред искусниот фудбалер ќе има период на одлука каде да ја продолжи кариерата.
