По шест месеци голманот Баки Алиу си замина од редовите на второлигашот Шкендија Арачиново, со што 21-годишникот е слободен и ќе бара нова средина за да ја продолжи кариерата.
Алиу во тимот од Арачиново беше претставен во август 2025 година, но соработката траеше само шест месеци.
„Ве известувам дека не сум веќе дел од ФК Шкендија Арачиново, им посакувам среќа и успех во натамошното првенство и иднина“, кратко рече Алиу.
21-годишниот голман во тимот од Арачиново пристигна од редовите на поранешниот прволигаш Гостивар, а претходно беше дел од Башкими, Њу Старс и Шкупи од каде и ја започна кариерата, а меѓународна кариера во период од јануари 2023 до јуни 2024 градеше во Германија во редовите на екипата Кенигсборнер.
Повеќе од сигурно е дека интересот за Баки Алиу ќе биде голем, се работи за млад и перспективен голман.
