Младиот и талентиран фудбалер Еди Мандак се раздели со Брегалница и кариерата ќе ја продолжи во нова средина. 20-годишникот кој е дете на штипскиот клуб објави дека заминува.
Како што истакна заминува од Брегалница по еден важен период од мојата кариера.
„Си заминувам од Брегалница по еден важен период од мојата кариера. Им благодарам на клубот, стручниот штаб, соиграчите и навивачите за соработката и поддршката. Стекнав искуство и лекции кои ќе ми значат понатаму. На Брегалница ѝ посакувам многу успех во иднина“, рече Мандак.
Мандак е дете на Брегалница, а во својата кариера покрај за „сините“ настапуваше и за Беласица, а дресот на струмичани го носеше во период од август 2024 до јули 2025.
