ФудбалФутсал

Каршиака заврши како втора – со засилувања ќе ја напаѓа Првата футсал лига!

Сподели
Сподели

Екипата на Каршиака есенската полусезона ја заврши на високото второ место во Втората футсал лига со освоени 18 бодови, само еден помалку од есенскиот шампион Железарец. Тимот зад себе има одлична есен, со учинок од шест победи и два порази, што е јасен показател за сериозноста на проектот.

Во Каршиака има задоволство од резултатите и прикажаната игра, но според информации на Спортска Мрежа, клубот во пролетниот дел ќе влезе уште по мотивиран со јасна амбиција – борба за пласман во Првата футсал лига. Во наредните денови се очекува состанок на управата, на кој ќе се разговара за засилување на ростерот и подготовка за продолжението на сезоната.

Како што дознаваме, во клубот сериозно се размислува за ангажман на две до три квалитетни засилувања, со цел атак на првото место или сигурно задржување на втората позиција, кои директно водат во Првата лига.

Во офанзивниот дел, најдобар стрелец на Каршиака е Сеад Јакупи со осум постигнати погодоци, додека по шест гола оваа есен запишаа Нехат Емини, Енис Ибраими и Фуркан Ќани. Пет погодоци во досегашниот тек од сезоната има и Садам Куртиши.


Фактот што Каршиака се наоѓа на само бод зад поранешниот прволигаш и екс-шампион на Македонија, тимот на Железарец, дополнително ги зголемува апетитите во клубот – не само за промоција кон елитата, туку и за титулата во Втората футсал лига.

Сè на сè, Каршиака покажа зрел и организиран футсал, а сигналите од клубот се јасни – оваа екипа нема намера да застане. Напротив, во пролетниот дел се очекува уште поорганизирана и поконкурентна Каршиака, со јасна цел – пласман во Првата футсал лига.

Поз. Клуб ОН Поб Н Пор ПОС ПРИ ГР БОД
1 КМФ ЖЕЛЕЗАРЕЦ 8 6 1 1 38 20 +18 19
2 КМФ КАРШИАКА 1996 8 6 0 2 40 29 +11 18
3 ФК ЦРНА РЕКА / КМФ 8 5 2 1 47 22 +25 17
4 КМФ ФУДБАЛ СТАРС-АУТО ВЕЛТ 8 5 0 3 40 26 +14 15
5 КМФ СЕЕ-УНИВЕРСИТИ 8 5 0 3 46 38 +8 15
6 КМФ ССК 1965 Скопје 8 4 0 4 39 45 -6 12
7 КМФ КРАТОВО 8 3 1 4 53 45 +8 10
8 ФК Партизан Југ Брвеница / КМФ 9 3 1 5 57 62 -5 10
9 КМФ ОВЧЕ ПОЛЕ 2013 8 2 2 4 20 27 -7 8
10 КМФ КОНЗУЛИ Битола 9 2 1 6 24 43 -19 7
11 КМФ КАРАДАКУ 8 0 0 8 21 68 -47 0


Сподели
Напишано од
Александар Ванев -

Основач, главен и одговорен уредник на спортскиот веб портал Спортска Мрежа, специјализиран за македонски спорт. Александар Ванев со спортско новинарство започнува на 1. август 2010 година, неговиот најголем проект е Спортска Мрежа, тој е спортски коментатор и во неговата кариера има коментирано натпревари од Втората и Третата фудбалска лига на Македонија, од Првата футсал лига на Македонија, Куп на Македонија, Прва и Втора женска фудбалска лига, како и натпревари од македонскиот ракомет. Ванев е член на Здружението на новинари на Македонија (ЗНМ). Ванев е спортски новинар посветен на македонскиот спорт, првиот и единствен кој темелно ја работи Третата и Четвртата (општинската лига) во Македонија.

Не пропуштајте

Останато

Фит Фан Волеј ќе игра во Првата лига и следната сезона

Одбојкарките на Фит Фан Волеј и следната сезона ќе бидат дел од Првата лига жени, откако успешно ја минаа бараж фазата и го...

Поврзани написи
КупФудбал

Извлечени полуфиналните двојки во Купот на Македонија за млади категории

Денеска во „Куќа на фудбалот“ беа извлечени двојките за полуфиналето во Купот...

КупФудбалФутсал

Познати судиите кои ќе го судат Куп финалето меѓу Проект и Кеги Моби

Утре во Гевгелија се игра големото финале во футсал Купот на Македонија...

КупФудбалФутсал

Голем интерес за футсал финалето во Гевгелија: Проект и Кеги Моби пред спектакл за Куп трофејот

Гевгелија вечерва ќе биде во знакот на футсалот, а интересот кај спортската...

error: Содржина е заштитена! Се забранува копирање на истата!