Ракометарите на Охрид, во петок повторно ќе играат пред својата публика, овојпат во рамките на 15. коло од Супер лигата, каде што ќе бидат домаќини на младата и многу борбена екипа на Еурофарм Пелистер 2.
Тимот од Битола е познат по брзата игра, трчањето и желбата да се докажува против секој противник.
Левото крило на Охрид, Никола Ристески, потенцира дека мечот ќе бара максимална концентрација од самиот старт и дека тимот мора да го наметне својот стил на игра ако сака да ја донесе победата пред охридската публика.
„Во петок ни гостува екипата на Еурофарм Пелистер 2, млада екипа која многу трча и сака да се докажува. Сметам дека мора да влеземе максимално фокусирани од почеток на натпреварот и да славиме победа пред домашната публика.“ – изјави Ристески.
Охриѓани ќе се обидат да ја искористат поддршката од своите навивачи и да додадат нови бодови на домашен терен. Ќе биде дуел со голема динамика, каде фокусот и дисциплината ќе бидат клучни за конечниот исход.
Натпреварот е закажан за петок (05.12) од 18:00 часот во салата „Билјанини Извори“.
