Камјани е есенски шампион во Трета лига – Запад, Љуботен на дното

Заврши есенската полусезона во Трета лига – Запад со одигрување на натпреварите од 11. коло, а есенски шампион е тимот на Камјани, кој со убедливи 3:0 го доби конкурентот Влазерими и така се зацврсти на челната позиција.

Резултатот беше отворен уште во 7. минута со голот на Ибраим Јусуфи, а во 24. минута Блеранд Ќамили зголеми на 2:0. Во вторитот дел Сокол Исеини ги постави конечните 3:0.

Џепчишти одигра фантастично на мечот со Скендербеу и ги собра бодови откако славеше со 5:0. Селмани постигна три гола, а по еден гол Азиз и Беќири, за гостинот само Аљиу беше единствен стрелец.

Вардар Брвеница со 4:2 го доби тимот на Речица на домашен терен благодарение на двата гола на Антовски, и погодоците на Ангелески и Ѓорѓиевски, а пак за гостинот погодија во првиот дел Шаќири и Матоши со што гостинот имаше два гола предност, но на крај сепак загуби.

Претходно како што објави Спортска Мрежа бодовите ги поделија Љуботен и Дрита, а Напредок ја доби Ренова, извештајот за овде мечеви можете да го прочитате овде.

Комесарот за делегирање на судии во Трета лига – Запад, Музафер Исмаили за Спортска Мрежа истакна дека е задоволен од тоа како се заврши есенската полусезона.

„Успешно заврши есенската полусезона во Трета лига – Запад, им благодарам на сите за соработката. На сите клубови им посакувам поголеми успеси во пролениот дел и успешна да биде и пролетната полусезона“, кратко ни изјави Музафер Исмаили.