Општинскиот фудбалски сојуз Струмица денес донесе конечна и официјална одлука за мечот од 6. коло на ОФЛ Струмица, со која екипата на Интер Кукла од Куклиш службено со 0:3 го добива натпреварот со Единство од Пиперово.
Како што истакнуваат од ОФС Струмица, причините за ваквата одлука се утврдените нерегуларности во составот на екипат на ФК Единство од Пиперово.
„После одиграното 6то коло од ОФЛ Струмица, OФС Струмица донесе одлука да го регистрира натпреварот помеѓу ФК Единство (Пиперево) и ФК Интер Кукла (Куклиш) со службена победа од 0:3 во корист на ФК Интер Кукла. Причина за ваквата одлука се утврдените нерегуларности во составот на екипата на ФК Единство од Пиперево“, велат од ОФС Струмица.
Екипата на Интер Кукла е на врвот од табелата со 15 бодови, а пак Единство останува на претпоследното место со три бодови.
