Натпреварот од 15. коло на Втората лига меѓу Детонит Плачковица и Скопје кој беше закажан да се одигра в сабота со почеток од 13 часот, се одложува за среда (3 декември).
Причината за одложувањето на натпреварот е тоа што Градскиот стадион во Радовиш е под голема количина на вода, која не дозволува можност за одигрување на фудбалски натпревар.
Од таа причина натпреварот е одложен за 3. декември, а тогаш ќе се одиграат и двата претходно одложени натпревари, меѓу Големо Коњари и Охрид од 12. коло, а причината за одложување на овој меч беше поплавениот терен на прилепскиот второлигаш, како и мечот меѓу Тетекс и Кожуф.
Тоа значи дека конечното затварање на есенската полусезона во Втората лига ќе се случи на 3 декември кога ќе ги имаме конечниот изгледа на второлигашката табела.
Во многу наврати се случувало обилните врнежи од дожд во есента или пролетта да прават проблеми на фудбалските терени бидејќи голем дел од нив имаат проблем со дренажениот систем, па затоа на терените има голема количина на вода.
