ГРК Охрид, во рамки на 13. коло од Супер лигата, ја пречекува РК Струга во салата „Билјанини извори“. Езерското дерби доаѓа веднаш по важната победа на Охриѓани над Слога Добој, па така тие сакаат да ја продолжат позитивната форма пред својата публика.
Левиот бек на Охриѓани, Дејан Кукуловски, истакнува дека по мечот со Слога Добој следи натпревар против тим составен од млади играчи кои сакаат да се докажат. Посочува дека и покрај фаворитската улога, Охрид мора максимално да влезе ако сака да стигне до уште една победа.
„ После натпреварот со Слога Добој нè очекува Eзерско дерби со екипата на Струга, која е составена од млади играчи што сакаат да се докажуваат. Иако сме фаворити мораме максимално да влеземе на овој натпревар и да извојуваме уште една победа.“ – изјави Кукуловски.
Натпреварот ќе се одигра вo среда, 18:00 часот, во салата „Билјанини извори“, во Охрид.
