Екипата на Соколи 1933 го доби дербито на 5. коло во групата „Б“, совладувајќи ја досега непоразената Струмица ФМП со 65:58 во салата „Јордан Мијалков“ во Штип. Мечот носеше тежина на вистинско дерби — силен интензитет, цврсти одбрани и многу тактичка борба.
По израмнетата прва четвртина (17:17), штипјани ја презедоа контролата и до крајот на третата ја изградија клучната предност (46:37). Хамилтон повторно беше извонреден и со 19 поени ја водеше екипата, а значајна поддршка дадоа Митевски и Х. Тодоровски (по 11), како и А. Тодоровски (10). Кај гостите најдобри беа Јовановиќ со 16 и Александровски со 12 поени.
Со овој триумф, Соколи му го нанесоа првиот сезонски пораз на Струмица ФМП и се израмнија со нив на табелата.
Борец Баскет на домашен терен стигна до триумф откако го совлада скопски Бутел со резултат од 93:83 пред својата верна публика. Велешани одиграа ефикасен меч и со врвната партија на двоецот Елис – Штерјов, кои заедно постигнаа 50 поени, го совладаа Бутел. Тие добија силна поддршка и од Карталовиќ, Сапроновски и Трпески (сите по 10 поени). Кај Бутел се истакна младиот Киров со дури 30 поени, но недоволно за избегнување на поразот.
Спортисимо ја продолжува серијата лоши резултати откако го загуби дербити од дното од екипата на Струмица Ролинг со резултат од 76:83. Струмица Ролинг го запиша првиот сезонски триумф и тоа како гостин во Кавадарци. Пресудна беше втората четвртина кога го презедоа водството (41:35). Мицев блесна со 35 поени, а Георгиев додаде 10. Кај Спортисимо најдобри беа Вељковиќ и Митков со по 22 поени.
ТАБЕЛИ – 5. КОЛО
- ГРУПА „А“
Мега баскет 5 4-1 443:390 (9)
Вардар 4 4-0 347:282 (8)
Охрид 5 3-2 408:400 (8)
Црн Дрим 4 2-2 333:307 (6)
Тетекс ТТК 4 1-3 300:332 (5)
Водно Санс 4 1-3 313:345 (5)
Младинец 4 0-4 290:383 (4)
Следно коло (22.11)
Охрид – Тетекс ТТК
Водно санс – Црн Дрим
Вардар – Младинец
Мега баскет – слободен
- ГРУПА „Б“
Струмица ФМП 5 4-1 429:278 (9)
Соколи 1933 5 4-1 453:391 (9)
Бутел 4 3-1 344:323 (7)
Борец баскет 4 2-2 300:316 (6)
Струмица Ролинг 4 1-3 268:342 (5)
Овче Поле 3 1-2 274:249 (4)
Спортисимо 4 0-4 253:387 (4)
Следно коло (22.11)
Бутел – Струмица ФМП
Борец баскет – Спортисимо
Струмица Ролинг – Овче Поле
Соколи 1933 – слободен
