По тесниот пораз во Шведска, Вардар се враќа дома за ново дерби од групната фаза на ЕХФ Европската лига. Во вторник во 18:45, „црвено-црните“ го пречекуваат Кристијанштад во СЦ „Јане Сандански“, со јасна цел – победа која ќе ги врати на врвот на табелата и ќе ја врати самодовербата во тимот.
Голманот на Вардар, Васил Гогов, потенцира дека тимот е решен да ги корегира пропустите од првиот дуел и ќе даде максимум на терен за да се врати на лидерската позиција во групата.
„Во Шведска направивме многу пропусти. Овие денови работевме да ги сведеме на минимум. Ќе дадеме максимум за да се вратиме на првото место во групата.“- изјави Гогов.
Вардар е решен да покаже сила пред своите навивачи и да ги поправи грешките од претходниот натпревар. Домашниот терен и дисциплината ќе бидат клучни за три бода, а сите очи ќе бидат свртени кон СЦ „Јане Сандански“ во вторник кога „црвено-црните“ ќе бараат нова европска победа.
