Прволигашот Пелистер со 0:2 беше подобар на пријателскиот натпревар со второлигашот Новаци, кој се одигра за време на репрезентативната пауза, а кој доаѓа како подготовка за двете екипи пред последните есенски натпревари.
Во првиот дел мрежите мируваа на двете страни, а во вториот дел беа постигнати двата погодоци. Стрелци на погодоците беа Филип Бошковски и Јован Мрмачовски.
Тренерот на Новаци, Дарко Крстески, како и на Пелистер, Милан Стојановски имаат можност за проверка на формата, а сега фокусот е на завршните мечеви од есенската полусезона во Првата односно Втората лига.
Во рамки на 13. коло во Втората лига, екипата на Новаци ќе гостува во Струмица кај Беласица, а пак Пелситер во рамки на 14. коло на Прва лига ќе гостува кај Шкупи.
