Лидерот Младост од Богданци ја продолжува фантастичната форма откако запиша голем триумф на гостувањето кај Текстилец во Штип, славејќи со 22:35, во меч од 9. коло на Првата ракометна лига.
Во првите десетина минути беше израмнет резултатот, а потоа тимот од Богданци кој го води искусниот охридски стратег Горан Андоновски се одлепи и само ја билдаше резултатската предност и на крајот стигна до победа од 22:35.
Даниел Андоновски постигна 11 погодоци за победничкиот тим и воедно беше најдобар стрелец на мечот, а за Текстилец седум погодоци имаше Филип Џинес.
Претходно, во рамки на 9. коло екипата на Мулти Есенс со 24:44 славеше над Јехона, Драчево дома го доби Кичево со 52:21, а пак Вардар Неготино со 19:25 го доби составот на Преспа од Ресен.
Шампион загуби тесно со 32:34 од Овче Поле, а тесна победа имаше Македонија ЃП над Аеродром од 22:25.
На врвот од табелата е Младост до 16 бодови, Вардар Неготино е втор со 14 бодови, но има меч повеќе во однос на тимот од Богданци и во однос на Мулти Есенс и Драчево Јуниор кои го делат третото место со по 14 бодови.
