Македонскиот машки тим во кумите У-21 освои сребрен медал на Балканското карате првенство за кадети, јуниори и У-21, што овој викенд се одржа во Риека, Хрватска. Нашите каратисти имаа одличен настап и со низа победи стигнаа до големото финале, каде што беа поразени од Србија со 1-3.
Патот до финалето беше импресивен – Македонија прво ја совлада Црна Гора со 3-1, потоа ја победи Романија со тесен резултат 3-2, а во полуфиналето убедливо го совлада тимот на Косово со 3-0. Во финалето, и покрај големата борбеност и мотивираност, нашите каратисти не успеаја да го совладаат силниот состав на Србија и се задоволија со заслуженото сребро.
Македонија го заврши Балканското првенство со вкупно 10 медали – 1 златен, 5 сребрени и 4 бронзени, што ја пласира нашата репрезентација на осмото место во вкупниот пласман.
Резултати – Балканско првенство:
Кумите тим У-21 мажи
Македонија – Црна Гора 3-1
Македонија – Романија 3-2
Македонија – Косово 3-0
Финале: Македонија – Србија 1-3
Ката тим кадети и јуниори жени
Македонија – Србија 20,10–22,00
За бронза: Македонија – Грција 20,10–23,90
Кумите тим У-21 жени
Македонија – Србија 0-2
За бронза: Македонија – Црна Гора 0-1
Кумите тим кадети жени
Македонија – Кипар 2-0
Македонија – БиХ 1-2
За бронза: Македонија – Црна Гора 0-2
