Ракометарите на ГРК Охрид во среда ќе гостуваат во Скопје каде во рамки на 10. коло од Суперлигата ќе се соочат со тимот на Бутел Скопје. Натпреварот ќе се одигра во салата „Антон Димитров“ со почеток во 18:00 часот.
Охрид го започнува згуснатиот распоред во месец ноември со тешко гостување кај тимот кој е познат по цврстата игра на домашен терен. Еден од поискусните во редовите на охридскиот состав, Иван Тасески, ја даде следната изјава во пресрет на мечот:
„Згуснатиот распоред во месец ноември го започнуваме со гостување кај Бутел, кој е доста незгоден противник, особено на домашен терен. Одиме максимално фокусирани и со добра одбрана верувам дека ќе извојуваме победа.“
Со ова охридскиот тим најавува сериозен пристап и целосна мобилизација во обид да освои нови бодови на тешкото гостување.
