Во рамките на второто коло од Првата машка одбојкарска лига беа одиграни интересни натпревари, во кои немаше некое изненадување. Фаворитите ги оправдаа очекувањата и запишаа убедливи победи.
Екипата на Штип УГД славеше со максимални 3-0 на гостувањето кај Скопје, додека Сушево исто така триумфираше со ист резултат против Македонија Џио.
Шкендија на домашен терен беше убедлива против Весна Пробиштип со 3-0, а со идентичен резултат Работнички Скопје го совлада ГОК Борец.
Актуелниот шампион Струмица 47&72 без многу мака ја совлада Лирија со 0-3 на гостински терен, додека дуелот помеѓу Јанта Волеј и Универзитет во Тетово е одложен и ќе се одигра во друг термин.
