Екипата на Света Троица од Охрид ќе гостува во Велешта во рамките на 6. коло од Третата лига – Југозапад, во меч кој носи големо значење за двата тима.
Охриѓани по пет одиграни кола имаат солиден биланс од две победи, едно реми и два порази, што им донесе седум бодови, додека нивниот противник Велешта сè уште ја бара првата победа во сезоната и со едно реми и пет порази се наоѓа на последното место на табелата.
Фудбалерот на охридсккиот третолигаш, Бојан Танески за Спортска Мрежа истакна оти верува дека ќе одговорат со вистински пристап и дека може да се вратат на победничките патеки.
„Не очекува гостување кај тежок и добро организиран противник, кој секогаш игра цврсто на свој терен. Веруваме во фер и коректна игра од страна на домаќините и очекуваме квалитетен натпревар. Нашата цел се трите бода – одиме мотивирани, подготвени да дадеме максимум и да се вратиме на победничките патеки“, изјави Танески за Спортска Мрежа.
Натпреварот меѓу Велешта и Света Троица ќе биде можност за охридскиот состав да потврди дека е на вистински пат и дека има квалитет за висок пласман на табелата во Трета лига – Југозапад.
