Денес прволигашот Арсими ќе гостува во Кавадарци каде ќе се соочи со тимот на Тиквеш — екипа позната по својата цврста и борбена игра на домашен терен. Натреварот е закажан со почеток од 14:30 часот на градскиот стадион во Кавадарци.
Тимот од Чегране неделата ја помина во интензивни тренинзи и детална анализа на противникот, со цел подобрување на играта во сите линии и постигнување на посакуван резултат.
Крилниот напаѓач Шпенд Асани истакна дека тимот е максимално подготвен и мотивиран за претстојниот дуел.
„Работевме многу напорно оваа недела и знаеме што не очекува во Кавадарци. Нема да биде лесно, но подготвени сме да дадеме сè на теренот. Свесни сме дека ќе играме против квалитетен противник, особено на нивниот тежок терен, но нашата цел е да одиграме дисциплинирано, борбено и со срце — како што секогаш го карактеризира Арсими.Ја анализиравме нивната игра и ќе се обидеме да го спроведеме планот на тренерот во целост. Доколку дадеме максимум, верувам дека можеме да освоиме позитивен резултат“, рече Асани.
Тој се заблагодари и на навивачите за постојаната поддршка: „Нашите навивачи се нашата дополнителна сила на секој натпревар.“
