Струмица ФМП убедлива во градското дерби – успешен старт и за Соколи и Охрид

Струмичкото дерби во целост ѝ припадна на екипата на Струмица ФМП, која запиша убедлива победа над градскиот ривал Ролинг со резултат 49:80.

Домаќинот имаше солиден почеток и ја доби првата четвртина со 20:19, но во продолжение на натпреварот, особено во второто полувреме, гостите доминираа целосно и ја поништија предноста на Ролинг. Второто полувреме заврши со импресивни 45:18 во корист на Струмица ФМП, па така конечните 80:49 беа повеќе од заслужени.

Во редовите на победникот најрасположени беа Александровски со 23 поени и Пандев со 20, додека кај Ролинг двоцифрен беше само капитенот Мицев со 13 поени.

Екипата на Соколи 1933 ја оправда фаворитската улога на отворањето на новата сезона во Првата лига, совладувајќи го Борец Баскет од Велес со 90:71.

Штипјани контролираа речиси цел натпревар – имаа предност од 22:15 по првата четвртина, а иако гостите се доближија на полувремето (40:36), во второто полувреме Соколи 1933 одиграа во силен ритам и стигнаа до убедлива победа.

Најефикасен во нивните редови беше Костадинов со 16 поени, следен од Хамилтон со 15, Коцев со 14 и Тодоровски со 10 поени. Кај Борец се истакна Сапроновски со 20 поени, Трпески додаде 18, а искусниот Штерјов постигна 13.

Екипата на Охрид стартуваше со победа на гостински терен, совладувајќи го Водно Санс со 68:80.

По изедначени три четвртини и резултат 54:56, охриѓани во последниот дел одиграа одлично, направија серија од 24:14 и го скршија отпорот на домашниот состав.

Во редовите на победниците Бојовски блесна со 24 поени, Стојаноски и Димитровски постигнаа по 15, а Кузманоски додаде 11. Кај Водно Санс најдобар беше Митев со 18 поени, Стојанов реализираше 17, а Бајалџиев постигна 16 поени.