Утре, во вонреден термин, ќе се одиграат натпреварите од седмото коло во Третата македонска фудбалска лига – Север.
Фортуна на домашен терен ќе ја пречека екипата на Беса од Сарај, во натпревар каде што домаќинот важи за фаворит. Главен судија на мечот ќе биде Валтон Маличи, а негови помошници Фуркан Фетаху и Иљаз Рамадани.
Кадино на свој терен ќе се обиде да ја прекине резултатската криза против екипата на Студеничани. Средбата ќе ја суди Методија Ставров, а помошници ќе бидат Дарко Наумовски и Бојан Божиновски.
Отља ќе ги бара првите бодови против расположената Пчиња, која игра во одлична форма. Главен судија на овој натпревар ќе биде Иле Никодиноски, со асистенти Шенол Шаботиќ и Кристијан Лазески.
Екипата на Башкими Љуботен ја очекува тежок меч на домашен терен против Куманово, кое важи за благ фаворит поради добрата форма. Главен судија е Виктор Спасовски, а негови помошници Александар Ѓорѓиевски и Матеј Спасевски.
Лопати ќе бара први бодови против екипата на Беса од Слупчане, во натпревар каде што главен судија ќе биде Ненад Тодоровски, а ќе му помагаат Виктор Здравев и Александар Нешковски.
Дербито на колото ќе го одиграат Аеродром и поранешниот прволигаш Евромилк од Горно Лисиче. Тимот на Евромилк, поради поискусните фудбалери во своите редови, ќе влезе како фаворит на мечот. Главен судија ќе биде Дејан Младеновски, а негови асистенти Горан Милошевски и Мартин Дувњак.
Седмото коло го заокружува дуелот меѓу Ржаничино и БВК Конаре, меч во кој двете екипи ќе атакуваат на трите бодови. Главен судија ќе биде Марјан Младеновски, со помошници Христијан Стојанчевски и Иван Ивановиќ.
Сите натпревари ќе започнат во 15:00 часот.
