Планираниот натпревар од третото коло на Суперлигата, меѓу екипите на Куманово и Феникс 2010, кој требаше да се одигра вечерва во спортската сала во Куманово, е одложен за 24 часа поради небезбедни услови за игра.
По пристигнувањето на делегатите и екипите во салата, била извршена техничка контрола на теренот, при што е утврдено дека површината на паркетот е лизгава и не ги исполнува потребните услови за одигрување на натпревар. Причината за тоа е што претходно во салата бил одигран ракометен натпревар, на кој била користена специјална смола (лепило) за топката. Откако е направено чистење и полирање на паркетот, наместо подобрување, површината станала уште помалку стабилна.
По консултација со капитените и тренерите на двете екипи, како и со делегатот на натпреварот, донесена е заедничка одлука мечот да се одложи за еден ден, со цел да се овозможи целосно чистење на теренот и повторна проверка на безбедноста.
Од Кошаркарската федерација на Македонија (КФСМ) информираа дека новиот термин за натпреварот е утре (четврток) со почеток во 20:00 часот, на истото место – спортската сала во Куманово.
