Со натпреварите од првото коло денес после долги години пауза се реактивираше Општинската фудбалска лига во Струмица, а првото коло донесе погодоци на сите натпревари.
Најмногу погодоци имаше во Ново Село каде домашниот Огражден претрпе пораз од екипата на Спартмани од Градско Балдовци, додека пак Илинден од Добрејци однесе висока победа од 1:3 на гостувањето во Радово кај екипата на Напредок.
Екипата на Дрвош славеше над Единство од Пиперово, во натпревар каде беа постигнати пет погодоци за конечни 3:2.
Екипата на Интер Кукла од Куклиш на стартот од новата сезона ја доби Слога од радовишко Злеово со 2:1.
Во однос на самата табела Илинден од Добрејци е прв со три бодови, втор е Спартмани од Градско Балдовци, следува Интер Кукла, а потоа Дрвош со по три бодови. Без бодови се екипите на Слога, Единство, Огражден и Напредок од Радово.
