Нашиот најдобар Македонскиот автомобилистички ас Игор Стефановски – Иџе повторно го испишува името на Македонија во историјата на европскиот автоспорт! Трикратниот европски шампион во ридски патеки овој викенд ќе дебитира во престижниот шампионат ЕУРО НАСКАР ПРО, како дел од тимот Speed House S20 Team, на финалната трка што ќе се одржи на легендарната патека Золдер во Белгија.
Со овој настап, Иџе станува првиот македонски возач кој ќе настапи во европската верзија на американскиот Наскар, најпознатиот автомобилски шампионат во светот. ЕУРО НАСКАР веќе повеќе од една деценија претставува европска елита на трки на затворени патеки, со врвна конкуренција и исклучително барачки услови.
Стефановски вели дека овој настап претставува нов предизвик и голем чекор напред во неговата кариера. Тој ќе вози целосно нов тип на автомобил, во конкуренција од околу 26 професионални возачи, и како што истакна, приоритет му е да се запознае со автомобилот и да стекне искуство во оваа категорија, а не самиот резултат.
Неговиот долгогодишен поддржувач Видеолотарија Касинос Австрија, останува негов сигурен партнер и во ова ново поглавје. Тие веруваат во неговата спортска визија и посветеност, а Иџе и натаму ја претставува Македонија со истата страст, храброст и упорност кои го одликуваат низ целата негова спортска кариера.
Сите македонски љубители на автоспортот ќе имаат причина за гордост овој викенд — Иџе го носи македонското знаме на европските патеки, во борба со најдобрите во ЕУРО НАСКАР ПРО.
