Денес се играат натпреварите од осминафиналето од женскиот Куп на Македонија, а познати се и судиите кои ќе ја делат правдата на истите.
Второлигашот Конзули на домашен терен ќе се соочи со Љуботен, во меч каде шампионот на Македонија е апсолутен фаворит.
Правдата ќе ја дели Бенарт Зеќики од Кичево, а ќе му помагаат Ангела Домазетовска од Битола и Осман Зеќири од Кичево. Контролор ќе биде Жарко Димески од Прилеп.
Во Радовиш ќе се одигра натпреварот меѓу Плачковица и Порече од Македонски Брод, дуел на два второлигаши. Ангелчо Ристов од Неготино ќе биде главен судија, а негови помошници ќе бидат Ване Дупкаров од Неготино и Тоше Ицев од Кавадарци.
Контролор на средбата ќе биде Васил Аџиев од Валандово.
Прволигашот Тиверија како апсолутен фаворит ќе патува во Велес каде ќе игра против второлигашот Борец. Ангела Рајчевска од Скопје ќе дели правда, а асистенти ќе бидат Дејан Димитријевиќ и Филип Николов од Скопје.
Контролор на средбата ќе биде велешанецот Горан Манасиев.
Во Битола ќе се соочат прволигашите Топ Гол и Речица, каде Ангел Гелов од Кавадарци ќе дели правда со неговите помошници Давор Дишлиевски и Душко Панов, исто така од Кавадарци, а пак Горан Ангелески од Прилеп ќе биде контролор.
Во Пржино каде ќе играат прволигашите Скопје и Вардар главен судија ќе биде Борче Павловиќ од Скопје, а негови помошници ќе бидат Елена Соклевска Илиевски и Тамара Цветановиќ од Скопје, а контролор ќе биде Златко Неделкоски од Скопје.
Димитар Левески од Охрид ќе биде главен судија на најнеизвесниот меч во Купот меѓу Ас Јунајтед и Истатов во Струга. Помошници ќе бидат Стефан Петрушевски од Охриди Николче Николовски од Ресен.
Контролор на средбата ќе биде Марјан Ецкоски од Охрид.
Второлигашот Билјанини Извори дома ќе игра против прволигаш Кочани, а за правдата во Охрид ќе се погрижи Јован Анѓелкоски од Струга и неговите помошници Марио Мојсоски и Бетиме Адеми, исто така од Струга.
Пеце Карапалевски од село Волкодери, Ресен ќе биде контролор.
Каменица Саса на домашен терен ќе го пречека второлигашот Слободен, каде Александра Спасова од село Мустафино, Свети Николе ќе биде главен судија со Татјана Ивановска од Куманово и Снежана Илиевска од Македонска Каменица како помошници.
Винко Смокварски од беровското село Будинарци ќе биде контролор.
